Кыргыз Республикасынын Президентинин “Жашыл мурас”өнөктүгүн райондук деңгээлде аткаруу максатында жыл башында райондук коллегиянын чечими менен айыл өкмөт башчыларына тапшырма берилген. Бүгүнкү күндө “Жашыл мураска”  Кара-Буура айыл өкмөтү – 300,0 миң сом, Чолпонбай айыл өкмөтү – 250,0 миң сом, Аманбаев айыл өкмөтү – 349,0 миң сом жана Шекер айыл өкмөтү – 200,0 миң сом карап, жалпы 12612 даана көчөттөр отургузулган. Анын ичинде жылда бир аймакты кошумча көрктөндүрүп туруу максатында  Кара-Буура жаратылыш паркы тарабынан 5000 терек жана 1240 кара өрүк көчөтү Шекер айыл аймагындагы 5 гектар жер аянтына отургузулду. Азыркы учурда көчөттөрдүн өнүмдүүлүгү боюнча көзөмөл жүргүзүлүүдө.