Бүгүн Кызыл-Адыр айылындагы "Асыл" спорт комплексинде Айтматов районунун акиминин кичи футбол боюнча кубогу жыйынтыкталып, жеңүүчүлөр сыйланды.

Аталган спорттук иш-чарага Айтматов райондук мамлекеттик администрация башчысы-аким Бектур Сагымбаев баштаган райондук мекеме-уюмдардын жетекчилери, айыл өкмөт башчылары, демөөрчүлөр жана спорт сүйүүчүлөр катышышты

Кичи футбол боюнча акимдин кубогу 2024-жылдын ноябрь айынан бери уланып, эки категорияга бөлүнүп өткөрүлүп, 35 жашка чейинкилер жана 35 жаштан жогоркулар категориясынан жалпы Талас облусу боюнча 31 команда катышты.

Аталган иш-чарага Айтматов райондук ишкерлер кеңешинин төрагасы Чотонов Медер демөөрчүлүк кылып, иш-чаранын жогорку деңгээлде уюштурулуп өткөрүлүшүнө өз салымын кошуп, үч аргымак байгеге коюп, жеңүүчү командаларга тапшырылды.